Mish-mishlar "Al-Hilol" yarim himoyachisi Sergey Milinkovich-Savichni yana Italiya A Seriyasiga qaytishi bilan bog‘lamoqda. Serbiyalik futbolchi maydon markazini kuchaytirish uchun yo‘l qidirayotgan "Milan" klubining qiziqishlari doirasiga tushdi, deb xabar bermoqda jurnalist Ekrem Konur.
Biroq, asosiy muammo o‘zgarishsiz qolmoqda — xavbekning maoshi juda yuqori. Hozirda u yiliga taxminan 20 million yevro maosh olmoqda, uning shartnomasi esa 2028 yilgacha mo‘ljallangan.
Sergey Milinkovich-Savich 2023 yildan beri Saudiya Arabistonida faoliyat yuritmoqda. Yevropani tark etgunga qadar u sakkiz yil davomida Rimning "Lasio" jamoasi sharafini himoya qilgan. 27 fevral kuni "byankochelesti" sobiq yulduzi 31 yoshni qarshi oldi.
