Миш-мишлар "Ал-Ҳилол" ярим ҳимоячиси Сергей Милинкович-Савични яна Италия А Сериясига қайтиши билан боғламоқда. Сербиялик футболчи майдон марказини кучайтириш учун йўл қидираётган "Милан" клубининг қизиқишлари доирасига тушди, деб хабар бермоқда журналист Экрем Конур.
Бироқ, асосий муаммо ўзгаришсиз қолмоқда — хавбекнинг маоши жуда юқори. Ҳозирда у йилига тахминан 20 миллион евро маош олмоқда, унинг шартномаси эса 2028 йилгача мўлжалланган.
Сергей Милинкович-Савич 2023 йилдан бери Саудия Арабистонида фаолият юритмоқда. Европани тарк этгунга қадар у саккиз йил давомида Римнинг "Лацио" жамоаси шарафини ҳимоя қилган. 27 февраль куни "бьянкочелести" собиқ юлдузи 31 ёшни қарши олди.
