"Bavariya" darvozaboni Manuel Noyer UYEFA Chempionlar ligasi 1/8 final qur’asi natijalarini baholadi. Musobaqaning ushbu bosqichida Myunxen klubi Italiyaning "Atalanta" jamoasi bilan to‘qnash keladi.
"Bizda Chempionlar ligasi o‘yinlarini, jumladan, "Atalanta"ning Dortmundning "Borussiya"siga qarshi bahsini kuzatish uchun vaqt bo‘ldi. Ular o‘z uyida qanchalik yaxshi o‘ynashini ko‘rdik. Ularning kam imkoniyat bilan katta natijalarga erishayotgani kishini hayratda qoldiradi.
Menimcha, ular o‘zlarining eng yaxshi kunida tog‘larni talqon qila olishadi. Shu bois, birinchi o‘yin Bergamoda o‘tishi yomon emas, shundan so‘ng biz qaysi darajada ekanimizni bilib olamiz. Ushbu xalqaro qarama-qarshilikni intiqlik bilan kutyapmiz. Albatta, italiyalik raqib bilan o‘yin, masalan, "Bayer"ga qarshi bahsdan ko‘ra ko‘proq Chempionlar ligasi ruhini beradi", — deya Noyerning so‘zlarini keltiradi Myunxen klubi rasmiy sayti.
