"Manchester Siti" klubi 115 ta moliyaviy qoidabuzarlikda aybdor deb topilsa, undan 60 ochko olib tashlanishi "mantiqiy" qaror bo‘lishi haqida ogohlantirildi, deya xabar bermoqda Goal nashri.
Bu mojaro bir necha yildan beri davom etmoqda va yakuniy hukm hali e’lon qilingani yo‘q. Premyer-liga "Siti"ni to‘g‘ridan-to‘g‘ri quyi ligalarga tushirib yubora olmaydi, biroq turli muqobil sanksiyalar ko‘rib chiqilmoqda.
Kechikish sabablari va ehtimoliy oqibatlar:
-
Futbol moliyasi bo‘yicha ekspert Kiran Maguayrning tushuntirishicha, ayblov va himoya tomonlari yarim millionga yaqin dalillarni taqdim etgan.
-
Kechikishga qaror qabul qiluvchi uch nafar yuqori martabali sudyaning ish jadvallarini muvofiqlashtirish murakkabligi sabab bo‘lmoqda.
-
Agar "Everton" va "Nottingem Forest" bitta qoidabuzarlik uchun 4-6 ochkodan mahrum etilgan bo‘lsa, "Siti"ga qo‘yilayotgan 9 yillik davrni qamrab oluvchi ayblovlar ko‘lami 40 dan 60 ochkogacha olib tashlanishini taqozo etadi.
-
Premyer-liga klubni bir tomonlama tartibda EFL (Birinchi yoki Ikkinchi liga) quyi ligalariga haydab yuborish vakolatiga ega emas.
-
Agar klub korporativ firibgarlikda aybdor deb topilsa, klub direktorlar kengashi to‘liq tarkibda iste’foga chiqishi kerak bo‘ladi.
-
Qaror yaqin bir necha oy ichida, ehtimol, joriy mavsum yakuniga qadar e’lon qilinishi kutilmoqda.
