Hujumchi Robert Levandovski "Barselona"ning jarohatlanganlar ro‘yxatiga tushdi. "Ko‘k-anorranglilar" rasmiy saytida xabar berilishicha, tibbiy tekshiruv natijasida Levandovskining chap ko‘z kosasi suyagi singani aniqlangan.
Ta’kidlanishicha, Levandovski Ispaniya Kubogi yarim finali doirasida "Atletiko"ga qarshi bo‘lib o‘tadigan javob uchrashuvini o‘tkazib yuboradi.
2025/2026 yilgi mavsumda Robert Levandovski 32 ta rasmiy o‘yinda ishtirok etib, o‘z hisobiga 14 ta gol va 3 ta golli uzatmani yozdirib qo‘ygan edi.
"Barselona" seshanba kuni, 3 mart sanasida "Atletiko"ni qabul qiladi. Bu javob uchrashuvi bo‘lib, birinchi bahsda kataloniyaliklar Madridda 0:4 hisobida mag‘lub bo‘lishgan edi. "Ko‘k-anorranglilar" vaziyatni o‘nglashlari kerak bo‘ladi.
