Ҳужумчи Роберт Левандовски "Барселона"нинг жароҳатланганлар рўйхатига тушди. "Кўк-анорранглилар" расмий сайтида хабар берилишича, тиббий текширув натижасида Левандовскининг чап кўз косаси суяги сингани аниқланган.
Таъкидланишича, Левандовски Испания Кубоги ярим финали доирасида "Атлетико"га қарши бўлиб ўтадиган жавоб учрашувини ўтказиб юборади.
2025/2026 йилги мавсумда Роберт Левандовски 32 та расмий ўйинда иштирок этиб, ўз ҳисобига 14 та гол ва 3 та голли узатмани ёздириб қўйган эди.
"Барселона" сешанба куни, 3 март санасида "Атлетико"ни қабул қилади. Бу жавоб учрашуви бўлиб, биринчи баҳсда каталонияликлар Мадридда 0:4 ҳисобида мағлуб бўлишган эди. "Кўк-анорранглилар" вазиятни ўнглашлари керак бўлади.
