"Lochinlar"  yangi mavsumni g‘alaba bilan boshladi: kecha Samarqandda bo‘lib o‘tgan ilk uchrashuvda "Navbahor" "Dinamo"  ustidan 2:1 hisobida ustunlikka erishdi.

Albatta, yangi mavsumda sevimli jamoamiz oldiga katta maqsad qo‘yilgan. Shunga munosib ravishda sharoitlar ham yaratilmoqda.

Ayni kunlarda "Navbahor" markaziy stadionida keng ko‘lamli ta’mirlash va obodonlashtirish ishlari hal qiluvchi pallaga kirdi.

Jarayon bilan Namangan viloyati hokimi Shavkatjon Abdurazzoqov yaqindan tanishdi.

Viloyat rahbari klubning asosiy ma’muriy binosini ham ta’mirlash va qayta jihozlash lozimligini ta’kidlab, bu borada mutasaddilarga tegishli topshiriqlar berdi.

O‘rganish davomida maydonga yotqizilgan chimni sug‘orish tizimi ko‘zdan kechirildi. Ta’mirlash ishlarini tezroq yakuniga yetkazish bo‘yicha mas’ullarga aniq ko‘rsatmalar berilib, ularning ijrosi qat’iy nazoratga olindi.

Namangan viloyati hokimligi Axborot xizmati.