Italiya terma jamoasining sobiq ustozi Roberto Manchini hozirda Qatarning «Ac-Sadd» klubini boshqarmoqda va u Yaqin Sharqda avj olgan navbatdagi zo‘ravonliklar guvohi bo‘lmoqda.
Mutaxassis sodir bo‘layotgan voqealar haqida quyidagilarni so‘zlab berdi.
«Men xavf signalini eshitdim va mobil telefonimga xavf-xatar haqida xabarlar oldim — taxminan besh yoki oltita xabar keldi. Keyin portlashlar boshlandi. Onam qo‘ng‘iroq qildi, u juda xavotirda edi, lekin men uni tinchlantirdim. Ochig‘ini aytsam, siyosiy vaziyatni kuzatib, shunga o‘xshash hodisalarga tayyor edim. Diplomatiyadan umid qilib qolamiz», — deya Manchinining so‘zlaridan iqtibos keltiradi «derbyderbyderby.it» nashri.
