Италия терма жамоасининг собиқ устози Роберто Манчини ҳозирда Қатарнинг «Аc-Садд» клубини бошқармоқда ва у Яқин Шарқда авж олган навбатдаги зўравонликлар гувоҳи бўлмоқда.
Мутахассис содир бўлаётган воқеалар ҳақида қуйидагиларни сўзлаб берди.
«Мен хавф сигналини эшитдим ва мобил телефонимга хавф-хатар ҳақида хабарлар олдим — тахминан беш ёки олтита хабар келди. Кейин портлашлар бошланди. Онам қўнғироқ қилди, у жуда хавотирда эди, лекин мен уни тинчлантирдим. Очиғини айтсам, сиёсий вазиятни кузатиб, шунга ўхшаш ҳодисаларга тайёр эдим. Дипломатиядан умид қилиб қоламиз», — дея Манчинининг сўзларидан иқтибос келтиради «derbyderbyderby.it» нашри.
