«Lill» va «Nant» jamoalari o‘rtasidagi Fransiya Liga 1 bahsi (1:0) ikkinchi bo‘limda bir necha daqiqaga to‘xtatib qo‘yildi.

Mezbonlarning darvoza ortida joylashgan fanatlar tribunasida «Nant» darvozaboni Antoni Lopeshning onasi sha’niga haqoratli hayqiriqlar yangradi. Shu sababli bosh hakam Toma Leonar uchrashuvni to‘xtatishga qaror qildi.

Hakam vaziyat bo‘yicha o‘yin delegatlariga xabar berdi va stadion bo‘ylab maxsus e’lon berilishini talab qildi. Birozdan so‘ng o‘yin davom ettirildi va haqoratli hayqiriqlar to‘xtadi. Shunga qaramay, stadionda hech qanday rasmiy e’lon berilmadi.

«Agar siz bunga e’tibor qaratmaganingizda, ikki soniyadan keyin hammasi o‘z-o‘zidan tugagan bo‘lardi», — dedi «Lill» yarim himoyachisi Benjamen Andre hakamning qaroriga e’tiroz bildirib.