Londonning "Arsenal" klubi ustozi Mikel Arteta "Chelsi"ga qarshi bo‘lib o‘tgan bahsda jamoa darvozaboni David Rayyaning ko‘rsatgan o‘yiniga izoh berdi. "Kanonirlar" ushbu uchrashuvda 2:1 hisobida g‘alaba qozonishdi.
"David uchrashuv taqdirini hal qila oladigan darvozabonlar toifasiga kiradi. U doimo diqqat-e’tiborini saqlab qoladi. Uning oxirgi seyvi... David aql bovar qilmaydigan ishni amalga oshirdi. Zarba berilgan lahzada yuragim to‘xtab qolishiga bir baxya qoldi. Ammo Rayya jamoani qutqarib qoldi", — deya ispaniyalik mutaxassisning so‘zlarini keltirmoqda Daily Mail nashri.
Arteta shogirdlari 64 ochko jamg‘argan holda Angliya chempionati turnir jadvalida peshqadamlikni davom ettirishmoqda. "Arsenal" o‘zining eng yaqin ta’qibchisidan besh ochko oldinda bormoqda.
