«Real» Ispaniya chempionatining 26-turi doirasidagi o‘z uy uchrashuvida «Xetafe»ga imkoniyatni boy berdi — 0:1.
O‘yindagi yagona gol 39-daqiqada mehmonlarning urugvaylik hujumchisi Martin Satriano tomonidan kiritildi.
«Xetafe» futbolchilari raqib darvozasi tomon jami uchta aniq zarba yo‘llashdi, «Real»da esa bunday zarbalar soni yettitani tashkil etdi.
«Real» 26 ta o‘yindan so‘ng 60 ochko bilan Ispaniya chempionati turnir jadvalida ikkinchi o‘rinni egallab turibdi. «Xetafe» esa (26 o‘yindan so‘ng 32 ochko) 14-o‘rindan 11-o‘ringa ko‘tarilib oldi.
Keyingi turda, 7 mart kuni «Real» safarda «Selta» bilan kuch sinashadi, «Xetafe» esa shu kuni o‘z maydonida «Betis»ni qabul qiladi.
Ispaniya La Ligasi. 26-tur
03.03.2026 | 01:00
«Santyago Bernabeu», Madrid
«REAL MADRID» — «XETAFE» — 0:1
Gol: Martin Satriano 39’ (0:1).
«Real Madrid»: Kurtua, Karreras, Alaba (Xeysen, 55), Ryudiger, Aleksandr-Arnold (Karvaxal, 55), Pitarch (Rodrigu, 55), Tchuameni (Dias, 87), Vinisius Junior, Arda Gyuler (Mastantuono, 69), Valverde, Garsiya.
«Xetafe»: Soriya, Riko, Romero, Duarte, Boseli, Iglesias, Satriano (Abkar, 90), Arambarri, Milya, Kiko Femeniya (Liso, 58), Vaskes (Martin, 69).
Ogohlantirishlar: Kiko Femeniya (8), Arambarri (35), Riko (64), Xeysen (68), Tshuameni (71), Liso (79), Satriano (84), Vinisius Junior (90), Karreras (90).
Chetlatishlar: Liso (90, ikkinchi sariq), Mastantuono (90).
