Hujumchi Pyer-Emerik Obameyang «Lion» darvozasiga yo‘llagan dublidan so‘ng o‘z fikrlarini bildirdi. Uning jamoasi «Marsel» Fransiya chempionati 24-turi doirasida kechgan bahsda yakunda 3:2 hisobida g‘alaba qozondi.
Obameyang uchrashuvning 81-daqiqasida hisobni tenglashtirgan bo‘lsa, oradan 10 daqiqa o‘tib jamoasiga g‘alaba keltiruvchi golni urdi.
«Muhit juda qizigan stadionda g‘alaba qozonganimizdan juda xursandmiz. Biz bunga o‘z mentalitetimiz tufayli erishdik, buni jamoa uchun qildik. Raqib ikkinchi golini urgan vaqtda, men xet-trik qayd etishim mumkinligi haqida o‘yladim. Balki bu aqlbovar qilmaydigandek tuyular, lekin o‘yin ochiq edi. Men harakat qilishda davom etdim», — deya Obameyangning so‘zlaridan iqtibos keltiradi GFFN nashri.
36 yoshu 8 oylik bo‘lgan Obameyang 1955 yildan beri «Marsel»ning eng keksa to‘purariga aylandi. O‘sha vaqtda jamoa tarkibida 41 yoshli Larbi Benbarek gol urishga muvaffaq bo‘lgan edi.
