O‘tgan haftada ko‘z kosasi suyagi sinishi jarohatini olgan «Barselona» hujumchisi Robert Levandovski La Liga doirasida shanba kuni kechadigan «Atletik» bilan o‘yinda maxsus himoya niqobida maydonga tushishi mumkin.
Polyak futbolchisi «ko‘k-anorranglilar» tibbiy shtabi bilan maslahatlashganidan so‘ng shunday imkoniyatni ko‘rib chiqmoqda. Shifokorlar ehtiyot chorasi sifatida unga Ispaniya Kubogi 1/2 finali doirasidagi «Atletiko»ga qarshi bugungi javob uchrashuvida (birinchi o‘yin – 0:4) ishtirok etishni taqiqlagan edi.
