Madridning «Atletiko» klubi futbolchisi Koke «Barselona» yarim himoyachisi Pedrining o‘yinidan hayratda qolganini yashirmadi.
«Ko‘k-anorranglilar»ning 23 yoshli futbolchisi yaqindagina jarohatidan qutilgan bo‘lsa-da, Ispaniya Kubogi yarim finali doirasida «matraschilar»ga qarshi kechgan javob bahsida final hushtagigacha maydonda harakat qildi. Ushbu o‘yinda «Barsa» 3:0 hisobida g‘alaba qozondi, biroq o‘tgan oyda o‘z uyida 4:0 hisobida zafar quchgan madridliklar keyingi bosqichga yo‘l olishdi.
«Bizning baxtimiz — Pedrining ispaniyalik ekanligida. U — ispan futbolining haqiqiy buguni va kelajagi. Dunyoning eng zo‘r futbolchilaridan biri, balki eng zo‘ridir. U nafaqat ajoyib o‘yinchi, balki ajoyib inson hamdir», — deya Kokening so‘zlarini keltirmoqda «Atletico Universe» nashri.
Eslatib o‘tamiz, Pedri aynan o‘sha jarohati sababli kataloniyaliklar uchun muvaffaqiyatsiz kechgan dastlabki to‘qnashuvni o‘tkazib yuborgan edi.
