Мадриднинг «Атлетико» клуби футболчиси Коке «Барселона» ярим ҳимоячиси Педрининг ўйинидан ҳайратда қолганини яширмади.

«Кўк-анорранглилар»нинг 23 ёшли футболчиси яқиндагина жароҳатидан қутилган бўлса-да, Испания Кубоги ярим финали доирасида «матрасчилар»га қарши кечган жавоб баҳсида финал ҳуштагигача майдонда ҳаракат қилди. Ушбу ўйинда «Барса» 3:0 ҳисобида ғалаба қозонди, бироқ ўтган ойда ўз уйида 4:0 ҳисобида зафар қучган мадридликлар кейинги босқичга йўл олишди.

«Бизнинг бахтимиз — Педрининг испаниялик эканлигида. У — испан футболининг ҳақиқий бугуни ва келажаги. Дунёнинг энг зўр футболчиларидан бири, балки энг зўридир. У нафақат ажойиб ўйинчи, балки ажойиб инсон ҳамдир», — дея Кокенинг сўзларини келтирмоқда «Atletico Universe» нашри.

Эслатиб ўтамиз, Педри айнан ўша жароҳати сабабли каталонияликлар учун муваффақиятсиз кечган дастлабки тўқнашувни ўтказиб юборган эди.