«Yuventus» hujumchi Dushan Vlaxovich bilan shartnomani uzaytirish ustida ish olib bormoqda.
«Keksa sinyora»ning serbiyalik futbolchi bilan yangi bitim imzolash niyati bir necha hafta oldin ma’lum bo‘lgan edi. Sky Sport bergan ma’lumotlarga ko‘ra, seshanba kuni tomonlar kelgusi hamkorlik shartlarini muhokama qilish uchun uchrashuv o‘tkazishgan. 26 yoshli futbolchining yuqori maoshi Turin klubi uchun hamon asosiy to‘siq bo‘lib qolmoqda, biroq muzokaralar shu bilan to‘xtab qolmaydi. «Yuventus» Vlaxovichning iste’dodiga shubha qilmayapti, bosh murabbiy Luchano Spalletti esa uni loyihaning asosiy figurasi deb hisoblaydi va shartnoma uzaytirilishini talab qilmoqda.
Hujumchining o‘zi ham jamoada qolishni istaydi. Yaqin kelajakda futbolchi va klub kelishuvning moliyaviy jihatlari bo‘yicha murosaga kelishga harakat qilib ko‘rishadi.
