Hujumchi Krishtianu Ronaldu mushak jarohati sababli "An-Nasr" lazaretidan joy oldi. Taniqli insayder Fabrisio Romano ijtimoiy tarmoqlarda xabar berishicha, yaqin vaqt ichida 41 yoshli Ronaldu qo‘shimcha tibbiy ko‘riklardan o‘tadi.
Dastlabki ma’lumotlarga ko‘ra, Ronaldu ikki haftadan to‘rt haftagacha bo‘lgan muddatni o‘tkazib yuboradi. Krishtianu Portugaliya terma jamoasining navbatdagi yig‘iniga bora olmasligi ham istisno etilmayapti. Ushbu yig‘in doirasida "evropalik braziliyaliklar" Meksika va AQSH terma jamoalariga qarshi o‘rtoqlik uchrashuvlarini o‘tkazadi.
Krishtianu Ronaldu besh karra "Oltin to‘p" sohibi hisoblanadi. Uning "An-Nasr" bilan amaldagi shartnomasi 2027 yilning o‘rtalarigacha mo‘ljallangan.
