Ҳужумчи Криштиану Роналду мушак жароҳати сабабли "Ан-Наср" лазаретидан жой олди. Таниқли инсайдер Фабрицио Романо ижтимоий тармоқларда хабар беришича, яқин вақт ичида 41 ёшли Роналду қўшимча тиббий кўриклардан ўтади.

Дастлабки маълумотларга кўра, Роналду икки ҳафтадан тўрт ҳафтагача бўлган муддатни ўтказиб юборади. Криштиану Португалия терма жамоасининг навбатдаги йиғинига бора олмаслиги ҳам истисно этилмаяпти. Ушбу йиғин доирасида "европалик бразилияликлар" Мексика ва АҚШ терма жамоаларига қарши ўртоқлик учрашувларини ўтказади.

Криштиану Роналду беш карра "Олтин тўп" соҳиби ҳисобланади. Унинг "Ан-Наср" билан амалдаги шартномаси 2027 йилнинг ўрталаригача мўлжалланган.