"Chelsi"ning sobiq futbolchisi Jon Obi Mikel "ko‘klar" bosh murabbiyi Liam Rosenyorni yarim himoyachi Koul Palmerdan uning uchun eng qulay pozisiyada foydalanishga chaqirdi.
"Nima uchun Rosenyor Palmerni maydonga o‘z pozisiyasida tushirmayapti? Palmer — bizning eng yaxshi o‘yinchimiz. Palmerdan "o‘nlik" pozisiyasida foydalaning, men bilan birga barcha "Chelsi" muxlislari Koulni aynan shu yerda ko‘rishni istaydi. Shunday ekan, agar Rosenyor meni eshitayotgan bo‘lsa, iltimos, ishni Palmerni eng yaxshi pozisiyasiga qo‘yishdan boshlang", — dedi Obi Mikel o‘z podkastida.
Joriy mavsumda Koul Palmer "Chelsi" safida barcha turnirlarda 20 ta o‘yin o‘tkazib, to‘qqizta gol urdi va uchta golli uzatmani amalga oshirdi.
