Mikel Arteta jamoasi APLning 29-turi doirasidagi safar o‘yinida "Brayton"ni 1:0 hisobida mag‘lub etdi.
Joriy APL mavsumida "Arsenal" bitta to‘p farqi bilan 10 ta g‘alabaga erishdi. Mavsumning aynan shu pallasiga qadar bundan ko‘proq ko‘rsatkich faqat 2003/04 yilgi mavsumda (12 ta minimal g‘alaba) qayd etilgan edi. O‘shanda klub birorta o‘yinda mag‘lubiyatga uchramay, hozircha o‘zining oxirgi chempionlik unvonini qo‘lga kiritgandi.
"Arsenal" Premyer-liga jadvalida 67 ochko bilan peshqadamlik qilmoqda. Bitta kam o‘yin o‘tkazgan "Manchester Siti" bilan oradagi farq 7 ochkoni tashkil etmoqda.
