Agar «Liverpul» joriy mavsum yakunlariga ko‘ra Chempionlar ligasiga yo‘llanma ololmasa, 120 million funt sterling miqdoridagi daromaddan mahrum bo‘lishi mumkin. Bu haqda BBC nashri xabar bermoqda.

Manbaning ta’kidlashicha, Ko‘hna qit’aning eng nufuzli klublar turnirida ishtirok etmaslik mersisaydliklarning daromadlarini sezilarli darajada kamaytirishi mumkin. Shunga qaramay, o‘tgan yozgi transfer oynasidagi katta xarajatlarga qaramay, klubdagi moliyaviy holat barqarorligicha qolmoqda.

Ayni damda «Liverpul» 48 ochko bilan Angliya Premyer-ligasi turnir jadvalida beshinchi o‘rinda bormoqda. Chempionlar ligasining joriy mavsumida esa jamoa umumiy bosqich yakunlariga ko‘ra uchinchi o‘rinni egalladi va 1/8 finalda Turkiyaning «Galatasaroy» klubiga qarshi bahs olib boradi.