Germaniyaning «RB Leypsig» klubi o‘z vingeri Yan Diomande uchun taxminan 80 million yevro talab qiladi. Bu haqda Football Insider nashri xabar bermoqda.

Manba bergan ma’lumotlarga ko‘ra, «RB Leypsig» o‘z safidagi porlayotgan yulduzni qo‘ldan chiqarishni istamayapti, biroq klub rahbariyati uning ehtimoliy ketishiga allaqachon tayyorgarlik ko‘rmoqda. Ta’kidlanishicha, Diomandening xizmatlariga «Liverpul» va «Manchester Yunayted» klublari jiddiy qiziqish bildirmoqda.

Joriy mavsumda Diomande barcha turnirlarni inobatga olgan holda 26 ta uchrashuvda ishtirok etib, o‘z hisobiga o‘nta gol va yettita golli uzatmani yozdirib qo‘ydi.

Futbolchining «RB Leypsig» bilan amaldagi mehnat shartnomasi 2030 yilning o‘rtalariga qadar mo‘ljallangan.