«Real Madrid»ning sobiq futbolchisi Garet Beyl o‘zining sobiq murabbiyi haqida fikr bildirdi. Uelslik futbolchi Karlo Anchelottini ko‘klarga ko‘tarib maqtadi.
«Karlo Anchelotti — men faoliyatim davomida ko‘rgan odamlarni boshqarish bo‘yicha eng yaxshi murabbiy. Agar siz o‘ynamayotgan bo‘lsangiz ham, u sizni o‘zining eng yaqin do‘stidek his qilishga majbur qilardi. Unda jamoadagi hammani mamnun qilishdek ajoyib qobiliyat bor.
O‘ylaymanki, Anchelotti «Manchester Yunayted»da ham hayratlanarli darajada yaxshi ishlagan bo‘lardi. Chunki u hammani birlashtira olardi. U har bir o‘yinchidan maksimumni chiqarib oladi. Futbolda narsalarni soddalashtirish kerak — u esa bu borada haqiqiy daho», — dedi Beyl The Overlap dasturida.
Eslatib o‘tamiz, ayni damda Karlo Anchelotti Braziliya terma jamoasini boshqarmoqda.
