«Реал Мадрид»нинг собиқ футболчиси Гарет Бэйл ўзининг собиқ мураббийи ҳақида фикр билдирди. Уэльслик футболчи Карло Анчелоттини кўкларга кўтариб мақтади.

«Карло Анчелотти — мен фаолиятим давомида кўрган одамларни бошқариш бўйича энг яхши мураббий. Агар сиз ўйнамаётган бўлсангиз ҳам, у сизни ўзининг энг яқин дўстидек ҳис қилишга мажбур қиларди. Унда жамоадаги ҳаммани мамнун қилишдек ажойиб қобилият бор.

Ўйлайманки, Анчелотти «Манчестер Юнайтед»да ҳам ҳайратланарли даражада яхши ишлаган бўларди. Чунки у ҳаммани бирлаштира оларди. У ҳар бир ўйинчидан максимумни чиқариб олади. Футболда нарсаларни соддалаштириш керак — у эса бу борада ҳақиқий даҳо», — деди Бэйл The Overlap дастурида.

Эслатиб ўтамиз, айни дамда Карло Анчелотти Бразилия терма жамоасини бошқармоқда.