«Real Madrid» ustozi Alvaro Arbeloa hujumkor yarim himoyachi Braim Dias nima uchun kam o‘yin amaliyotiga ega bo‘layotgani haqidagi savolga javob berdi.
«Hech qanday favqulodda voqea sodir bo‘lgani yo‘q. Katta ehtimol bilan, Braim o‘zi loyiq bo‘lganidan ko‘ra kamroq o‘ynayapti. Buning uchun mas’uliyat mening bo‘ynimda. U mashg‘ulotlarda o‘zini ajoyib ko‘rsatmoqda. Uning sifatlari haqida gapirib o‘tirishga hojat yo‘q. U ko‘p yillardan beri «Real» va terma jamoada o‘z mahoratini namoyish etib kelmoqda. Men uni hozirgidan ko‘ra ancha yaxshiroq ishlata olishimga ishonaman. Bu mening vazifam», — dedi Arbeloa matbuot anjumanida.
2025/2026 yilgi mavsumda Braim Dias «Real» safida 26 ta o‘yinda maydonga tushib, bitta gol urdi va sheriklariga beshta golli uzatmani amalga oshirdi.
