«Реал Мадрид» устози Альваро Арбелоа ҳужумкор ярим ҳимоячи Браим Диас нима учун кам ўйин амалиётига эга бўлаётгани ҳақидаги саволга жавоб берди.
«Ҳеч қандай фавқулодда воқеа содир бўлгани йўқ. Катта эҳтимол билан, Браим ўзи лойиқ бўлганидан кўра камроқ ўйнаяпти. Бунинг учун масъулият менинг бўйнимда. У машғулотларда ўзини ажойиб кўрсатмоқда. Унинг сифатлари ҳақида гапириб ўтиришга ҳожат йўқ. У кўп йиллардан бери «Реал» ва терма жамоада ўз маҳоратини намойиш этиб келмоқда. Мен уни ҳозиргидан кўра анча яхшироқ ишлата олишимга ишонаман. Бу менинг вазифам», — деди Арбелоа матбуот анжуманида.
2025/2026 йилги мавсумда Браим Диас «Реал» сафида 26 та ўйинда майдонга тушиб, битта гол урди ва шерикларига бешта голли узатмани амалга оширди.
