«Inter Mayami» hujumchisi Lionel Messi jamoaning Oq uydagi tantanali qabuli chog‘ida AQSH prezidentiga klub ranglari tushirilgan va futbolchilarning dastxatlari qo‘yilgan esdalik to‘pini topshirdi.
«Leo, sen kelding va g‘alaba qozonding, bu esa juda qiyin va g‘ayrioddiy ish. Ochig‘ini aytganda, sening zimmangdagi bosim har qanday odam tasavvur qilganidan ancha yuqori», — deya Trampning so‘zlaridan iqtibos keltirmoqda «ESPN».
«Inter Mayami» klubi MLS Kubogidagi g‘alaba munosabati bilan Oq uyga tashrif buyurdi. Messi AQSH prezidenti bilan ilk bor uchrashdi. Eslatib o‘tamiz, 2025 yilning yanvar oyida, davlat rahbari Jo Bayden bo‘lgan vaqtda, argentinalik yulduz prezidentlik medalini topshirish marosimida ishtirok eta olmagan edi.
