«Tottenxem» qarorgohidan shov-shuvli xabar tarqaldi — klub rahbariyati futbolchilarni Angliya futbolining yuqori divizionidan tushib ketilgan taqdirda, ularning maoshlari qisqartirilishi haqida ogohlantirdi. Bu haqda Angliyaning The Athletic nashri xabar bermoqda.
Ushbu vaziyatda eng ko‘p norozilik bildirganlar futbolchilar emas, balki klub muxlislari bo‘ldi. Ishqibozlar rahbariyatning bunday harakatini qo‘rqoqlik va noloyiq ish deb hisoblamoqdalar.
Shu bilan birga, boshqa jurnalistlarning hisob-kitoblariga ko‘ra, yuqori ligadan tushib ketish London klubi uchun 250 million funt sterling yo‘qotish bilan barobar bo‘ladi. «Tottenxem» oxirgi marta deyarli yarim asr avval — 1978 yilda yuqori divizionni tark etgan edi.
