Madridning «Real» klubi hujumchisi Vinisius Junior La Liga doirasidagi «Selta»ga qarshi o‘yindan (2:1) keyin o‘z taassurotlari bilan o‘rtoqlashdi.

«Qaymoqranglilar» uch ochkoni yarim himoyachi Federiko Valverde tomonidan 95-daqiqada kiritilgan gol evaziga qo‘lga kiritishdi.

«Bunday g‘alabalar juda katta yordam beradi. Bu jamoaga jangovar ruh bag‘ishlaydi. So‘nggi daqiqalarda gol urganingda, barcha harakatlaring o‘z samarasini berganini his qila boshlaysan. Bu kabi g‘alabalar bizni qahramonga aylantiradi va keyingi o‘yinlar oldidan ishonchimizni oshirishga yordam beradi», — dedi jurnalistlar bilan suhbatda Vinisius.

11 mart kuni Alvaro Arbeloa shogirdlari Chempionlar ligasi nimchorak finalining dastlabki uchrashuvida «Manchester Siti» bilan to‘qnash keladilar.