Мадриднинг «Реал» клуби ҳужумчиси Винисиус Жуниор Ла Лига доирасидаги «Сельта»га қарши ўйиндан (2:1) кейин ўз таассуротлари билан ўртоқлашди.
«Қаймоқранглилар» уч очкони ярим ҳимоячи Федерико Вальверде томонидан 95-дақиқада киритилган гол эвазига қўлга киритишди.
«Бундай ғалабалар жуда катта ёрдам беради. Бу жамоага жанговар руҳ бағишлайди. Сўнгги дақиқаларда гол урганингда, барча ҳаракатларинг ўз самарасини берганини ҳис қила бошлайсан. Бу каби ғалабалар бизни қаҳрамонга айлантиради ва кейинги ўйинлар олдидан ишончимизни оширишга ёрдам беради», — деди журналистлар билан суҳбатда Винисиус.
11 март куни Альваро Арбелоа шогирдлари Чемпионлар лигаси нимчорак финалининг дастлабки учрашувида «Манчестер Сити» билан тўқнаш келадилар.
