«Manchester Yunayted» o‘z tarkibini kuchaytirish rejalarini tuzmoqda. Transfer News Live nashrining Ispaniyaning Sport nashriga tayanib xabar berishicha, «qizil iblislar» «Barselona»ning chap qanot himoyachisi Alexandro Baldega qiziqish bildirmoqda.
Mankunianliklar 22 yoshli Balde uchun 40 million yevro taklif qilishga tayyor. Bundan tashqari, Angliya premyer-ligasi grandi to‘g‘ridan-to‘g‘ri almashinuvni amalga oshirishga ham rozi: Balde Markus Reshford o‘rniga. Hozirda Reshford ijara asosida «Barselona» sharafini himoya qilmoqda. Kataloniyaliklar hujumchini doimiy asosda saqlab qolmoqchi.
«Manchester Yunayted» ayni damda Premyer-ligada uchinchi o‘rinni egallab turibdi, «Barselona» esa La Ligada peshqadamlik qilmoqda.
