Dortmundning «Borussiya» klubi yarim himoyachisi Yulian Brandt faoliyatini Angliya Premyer-ligasida davom ettirishi mumkin. Avvalroq «asalarilar» rahbariyati 29 yoshli futbolchi yozda erkin agent sifatida jamoani tark etishini ma’lum qilgan edi. Tomonlar yangi shartnoma shartlari bo‘yicha kelishuvga erisha olishmagan.
BBC bergan ma’lumotlarga ko‘ra, Brandtning transferiga «Aston Villa» qiziqish bildirmoqda. Ingliz klubi yaqin vaqt ichida germaniyalik futbolchiga rasmiy taklif bilan chiqishni rejalashtirmoqda.
Yulian Brandt 2019 yilda «Bayer»dan «Borussiya» Dortmundga 25 million yevro evaziga o‘tgan edi. Joriy mavsumda yarim himoyachi barcha musobaqalarda 32 ta o‘yinda maydonga tushib, 10 ta gol urdi va uchta golli uzatmani amalga oshirdi.













