«Chelsi», «Liverpul», «Tottenxem», «Nyukasl», «Inter», «Bavariya» va Dortmundning «Borussiya» klublari 26 yoshli fransiyalik hujumchi Mussa Diabini qo‘lga kiritish uchun kurash olib bormoqda. Bu haqda Fussball-Daten nashri xabar bermoqda.

Ayni damda hujumchi Saudiya Arabistonining «Al-Ittihod» jamoasida to‘p surmoqda. Shu bilan birga, fransiyalik futbolchining o‘zi ham Yevropaga qaytish istagini bildirmoqda. Eslatib o‘tamiz, Diabi avvalroq «PSJ», «Bayer» va «Aston Villa» kabi klublar sharafini himoya qilgan.

Fransiyalik vinger 2024 yildan buyon «Al-Ittihod» tarkibida harakat qilmoqda. Joriy mavsumda hujumchi Saudiya Arabistoni chempionatida 24 ta o‘yinda maydonga tushib, 2 ta gol urdi va 6 ta golli uzatmani o‘z hisobiga yozdirib qo‘ydi.