«Челси», «Ливерпуль», «Тоттенхэм», «Ньюкасл», «Интер», «Бавария» ва Дортмунднинг «Боруссия» клублари 26 ёшли франциялик ҳужумчи Мусса Диабини қўлга киритиш учун кураш олиб бормоқда. Бу ҳақда Fussball-Daten нашри хабар бермоқда.
Айни дамда ҳужумчи Саудия Арабистонининг «Ал-Иттиҳод» жамоасида тўп сурмоқда. Шу билан бирга, франциялик футболчининг ўзи ҳам Европага қайтиш истагини билдирмоқда. Эслатиб ўтамиз, Диаби аввалроқ «ПСЖ», «Байер» ва «Астон Вилла» каби клублар шарафини ҳимоя қилган.
Франциялик вингер 2024 йилдан буён «Ал-Иттиҳод» таркибида ҳаракат қилмоқда. Жорий мавсумда ҳужумчи Саудия Арабистони чемпионатида 24 та ўйинда майдонга тушиб, 2 та гол урди ва 6 та голли узатмани ўз ҳисобига ёздириб қўйди.
