Texnik hakamlar qo‘mitasi (THQ) La Liganing 26-turida raqibining yuziga urgani uchun Antonio Ryudiger maydondan chetlatilishi kerakligini e’lon qildi.
26-daqiqada "Xetafe" himoyachisi Diyego Riko to‘p bilan yon tomonda harakatlanayotganda Arda Gyuler bilan to‘qnashuvda yiqildi. Hodisaga keyinroq qo‘shilgan Ryudiger yiqilib, chap tizzasi bilan raqibining yelkasiga, keyin esa chap tizzasi bilan jag‘iga urildi. Hakam Alexandro Munis shifokorlarni maydonga chaqirdi, ammo qoidabuzarlikni qayd etmadi.
"THQ buni jiddiy qoidabuzarlik deb hisobladi, chunki "Real Madrid" futbolchisi to‘pni olishga qodir bo‘lmagan holda yerda yotgan raqibiga tizzasi bilan tashlandi. Bu hodisa hakam tomonidan sezilmagani va aniq va ravshan xato bo‘lgani uchun, VAR o‘yinchini jiddiy qoidabuzarlik uchun qizil kartochka bilan jazolash maqsadida monitorda hodisani ko‘rib chiqishni tavsiya qilishi kerak edi", deb tushuntirdi qo‘mita.
