Dortmundning «Borussiya» klubi himoyachisi Yulian Ryuerson shu yozda jamoasini o‘zgartirishi mumkin. Football Insider nashrining xabar berishicha, futbolchiga «Manchester Yunayted» da’vogarlik qilmoqda.

Norvegiyalik futbolchi uchun kurashda «qizil iblislar»ga «Nyukasl» raqobatchi bo‘lishi mumkin, chunki ushbu klub ham himoyachiga qiziqish bildirmoqda.

Ryuersonning «Borussiya» Dortmund bilan amaldagi shartnomasi 2028 yilning yoziga qadar mo‘ljallangan. Transfermarkt portali himoyachini 20 mln yevroga baholamoqda. Joriy mavsumda futbolchi hisobida Bundesligadagi 22 ta o‘yin, 11 ta golli uzatma va 5 ta sariq kartochka mavjud.