Дортмунднинг «Боруссия» клуби ҳимоячиси Юлиан Рюэрсон шу ёзда жамоасини ўзгартириши мумкин. Football Insider нашрининг хабар беришича, футболчига «Манчестер Юнайтед» даъвогарлик қилмоқда.
Норвегиялик футболчи учун курашда «қизил иблислар»га «Ньюкасл» рақобатчи бўлиши мумкин, чунки ушбу клуб ҳам ҳимоячига қизиқиш билдирмоқда.
Рюэрсоннинг «Боруссия» Дортмунд билан амалдаги шартномаси 2028 йилнинг ёзига қадар мўлжалланган. Transfermarkt портали ҳимоячини 20 млн еврога баҳоламоқда. Жорий мавсумда футболчи ҳисобида Бундеслигадаги 22 та ўйин, 11 та голли узатма ва 5 та сариқ карточка мавжуд.
