Londonning «Arsenal» klubi bosh murabbiyi Mikel Arteta Chempionlar ligasi 1/8 finali doirasidagi «Bayer»ga qarshi o‘yin oldidan jamoasining istiqbollari haqida gapirdi.
Chorshanba kuni «kanonirlar» Leverkuzenda «dorishunoslar»ga qarshi bahs olib boradilar. Uchrashuv Toshkent vaqti bilan soat 22:45 da start oladi. O‘yin boshlanishidan avval jurnalistlar ispaniyalik mutaxassisdan uning jamoasi turnirda oxirigacha (finalgacha) bora olishiga ishonishi haqida so‘rashdi.
«Men bugungi kun bilan yashayman, lekin kelajakka optimizm bilan qarayman. Men bor kuchimni ishga solyapman va futbolchilarni ham xuddi shunday kayfiyatda bo‘lishlari uchun ruhlantirishga harakat qilyapman. Ushbu mavsumda hali qilishimiz kerak bo‘lgan ishlar juda ko‘p. Biz ko‘p narsaga erishdik, ammo eng muhimi hali oldinda va bularning barchasi ertaga boshlanadi», — dedi Arteta matbuot anjumanida.
Javob uchrashuvi 17 mart kuni Londonda bo‘lib o‘tadi.
