Madridning «Real» klubi yarim himoyachisi Tyago Pitarch «Manchester Siti»ga qarshi bahsda maydonga tushib, Chempionlar ligasida klub rekordini o‘rnatdi. Opta nashrining xabar berishicha, jamoa tarbiyalanuvchisi bo‘lgan ushbu yosh iqtidor sohibi «qaymoqranglilar» safida turnirning pley-off bosqichida asosiy tarkibda maydonga tushgan eng yosh ispaniyalik futbolchiga aylandi (18 yosh-u 220 kunlik). Shu tariqa, xavbek bundan roppa-rosa 30 yil avval «Yuventus»ga qarshi bahsda 18 yosh-u 253 kunligida asosiy tarkibda qayd etilgan afsonaviy Raulning rekordini yangiladi.
«Real» 1/8 finalning ilk uchrashuvida «Manchester Siti»ni 3:0 hisobida mag‘lub etdi. Tyago Pitarch 76-daqiqagacha harakat qildi va shundan so‘ng zaxiraga olindi. Javob o‘yini 17 mart kuni «shaharliklar» maydonida bo‘lib o‘tadi.
Ma’lumot uchun, Raul Madrid grandining asosiy jamoasida 1994 yildan 2010 yilga qadar to‘p surgan.













