Мадриднинг «Реал» клуби ярим ҳимоячиси Тьяго Питарч «Манчестер Сити»га қарши баҳсда майдонга тушиб, Чемпионлар лигасида клуб рекордини ўрнатди. Opta нашрининг хабар беришича, жамоа тарбияланувчиси бўлган ушбу ёш иқтидор соҳиби «қаймоқранглилар» сафида турнирнинг плей-офф босқичида асосий таркибда майдонга тушган энг ёш испаниялик футболчига айланди (18 ёш-у 220 кунлик). Шу тариқа, хавбек бундан роппа-роса 30 йил аввал «Ювентус»га қарши баҳсда 18 ёш-у 253 кунлигида асосий таркибда қайд этилган афсонавий Раулнинг рекордини янгилади.

«Реал» 1/8 финалнинг илк учрашувида «Манчестер Сити»ни 3:0 ҳисобида мағлуб этди. Тьяго Питарч 76-дақиқагача ҳаракат қилди ва шундан сўнг захирага олинди. Жавоб ўйини 17 март куни «шаҳарликлар» майдонида бўлиб ўтади.

Маълумот учун, Рауль Мадрид грандининг асосий жамоасида 1994 йилдан 2010 йилга қадар тўп сурган.