Vinger Lamin Yamal payshanba kuni ertalab «Barselona»ning mashg‘ulotini o‘tkazib yubordi. Ispaniyaning Sport nashri xabariga ko‘ra, 18 yoshli Yamal o‘zini umumiy noxush his qilgani (holsizlik) sababli mashg‘ulotlarda qatnashmagan.
Shunga qaramay, Yamal juma kunidan boshlab odatiy tartibda mashg‘ulotlarni qayta boshlashi kutilmoqda. Shunday ekan, hozircha «Barselona» muxlislarida katta xavotir uchun asos yo‘q.
2025/2026 yilgi mavsumda Lamin Yamal 37 ta o‘yinda maydonga tushib, o‘z hisobiga 20 ta gol va 15 ta golli uzatmani yozdirib qo‘yishga muvaffaq bo‘ldi.
«Barselona» navbatdagi uchrashuvini yakshanba kuni, 15 mart kuni o‘z maydonida «Sevilya»ga qarshi o‘tkazadi. Kataloniyaliklar La Ligada peshqadamlik qilishmoqda va ikkinchi o‘rindagi «Real»dan to‘rt ochkoga oldinda bormoqdalar.
