Вингер Ламин Ямал пайшанба куни эрталаб «Барселона»нинг машғулотини ўтказиб юборди. Испаниянинг Sport нашри хабарига кўра, 18 ёшли Ямал ўзини умумий нохуш ҳис қилгани (ҳолсизлик) сабабли машғулотларда қатнашмаган.
Шунга қарамай, Ямал жума кунидан бошлаб одатий тартибда машғулотларни қайта бошлаши кутилмоқда. Шундай экан, ҳозирча «Барселона» мухлисларида катта хавотир учун асос йўқ.
2025/2026 йилги мавсумда Ламин Ямал 37 та ўйинда майдонга тушиб, ўз ҳисобига 20 та гол ва 15 та голли узатмани ёздириб қўйишга муваффақ бўлди.
«Барселона» навбатдаги учрашувини якшанба куни, 15 март куни ўз майдонида «Севилья»га қарши ўтказади. Каталонияликлар Ла Лигада пешқадамлик қилишмоқда ва иккинчи ўриндаги «Реал»дан тўрт очкога олдинда бормоқдалар.
