Germaniya terma jamoasining sobiq hujumchisi Yurgen Klinsmann o‘zining sobiq klubi — Londonning «Tottenxem» jamoasiga qanday murabbiy zarurligi haqida gapirib berdi.
«Jamoaga futbolchilarni jipslashtira oladigan mutaxassis kerak. Kimda-kim buni uddalay olsa, natijaga erishadi. Jamoa APLdan tushib ketish xavfi ostida turganini tushunish lozim. Ko‘p narsa sabr-toqat qilish va kurashishga tayyorlikka bog‘liq bo‘ladi», — deya sobiq futbolchining so‘zlarini keltirmoqda «ESPN».
Angliya chempionatining 29 turidan so‘ng, London jamoasi 29 ochko jamg‘argan va turnir jadvalida 16-o‘rinni egallab turibdi. «Shporlar» navbatdagi uchrashuvni 15 mart kuni «Liverpul»ga qarshi o‘tkazishadi.
