Германия терма жамоасининг собиқ ҳужумчиси Юрген Клинсманн ўзининг собиқ клуби — Лондоннинг «Тоттенхэм» жамоасига қандай мураббий зарурлиги ҳақида гапириб берди.
«Жамоага футболчиларни жипслаштира оладиган мутахассис керак. Кимда-ким буни уддалай олса, натижага эришади. Жамоа АПЛдан тушиб кетиш хавфи остида турганини тушуниш лозим. Кўп нарса сабр-тоқат қилиш ва курашишга тайёрликка боғлиқ бўлади», — дея собиқ футболчининг сўзларини келтирмоқда «ESPN».
Англия чемпионатининг 29 туридан сўнг, Лондон жамоаси 29 очко жамғарган ва турнир жадвалида 16-ўринни эгаллаб турибди. «Шпорлар» навбатдаги учрашувни 15 март куни «Ливерпуль»га қарши ўтказишади.
