«Lasio» bosh murabbiyi Maurisio Sarri joriy mavsum yakunida Rim jamoasini tark etishi mumkin. Bu haqda insayder Nikolo Skira ijtimoiy tarmoqlar orqali xabar berdi.
Jurnalistning ma’lumotlariga ko‘ra, mutaxassis va «burgutlar» rahbariyati o‘rtasidagi munosabatlar jiddiy ravishda yomonlashgan. Katta ehtimol bilan, yozda tomonlar 2028 yilgacha mo‘ljallangan shartnomani muddatidan oldin bekor qilishadi.
Italiya A Seriyasining 28 turidan so‘ng Rim jamoasi 37 ochko jamg‘argan va turnir jadvalining o‘ninchi pog‘onasida bormoqda. Sarri shogirdlari chempionatdagi navbatdagi o‘yinini o‘z maydonlarida «Milan»ga qarshi o‘tkazishadi.
