«Лацио» бош мураббийи Маурицио Сарри жорий мавсум якунида Рим жамоасини тарк этиши мумкин. Бу ҳақда инсайдер Николо Скира ижтимоий тармоқлар орқали хабар берди.
Журналистнинг маълумотларига кўра, мутахассис ва «бургутлар» раҳбарияти ўртасидаги муносабатлар жиддий равишда ёмонлашган. Катта эҳтимол билан, ёзда томонлар 2028 йилгача мўлжалланган шартномани муддатидан олдин бекор қилишади.
Италия А Сериясининг 28 туридан сўнг Рим жамоаси 37 очко жамғарган ва турнир жадвалининг ўнинчи поғонасида бормоқда. Сарри шогирдлари чемпионатдаги навбатдаги ўйинини ўз майдонларида «Милан»га қарши ўтказишади.
