Madridning «Real» klubi yarim himoyachisi Jud Bellingem jarohatidan so‘ng safga qaytishga yaqin turibdi.
Angliyalik futbolchi tizza osti payidagi shikastlanish sababli fevral oyi boshidan beri maydonga tusha olmayapti. Jurnalist Gilyermo Raining xabar berishicha, avval taxmin qilinganidek, xavbekning «Manchester Siti»ga qarshi javob uchrashuvida ishtirok etish ehtimoli juda past. Biroq, uning La Liga doirasidagi «Atletiko» bilan derbiga qadar safga qaytishi haqiqatga yaqin ssenariy bo‘lib turibdi.
«Shaharliklar» bilan safar o‘yini 17 mart kuni, «matraschilar»ga qarshi o‘z maydonidagi bahs esa 22 mart kuni bo‘lib o‘tadi.
Jud Bellingem joriy mavsumdagi 28 ta o‘yinda o‘z hisobiga oltita gol va to‘rtta golli uzatmani yozdirib qo‘yishga ulgurdi.













