Мадриднинг «Реал» клуби ярим ҳимоячиси Жуд Беллингем жароҳатидан сўнг сафга қайтишга яқин турибди.
Англиялик футболчи тизза ости пайидаги шикастланиш сабабли февраль ойи бошидан бери майдонга туша олмаяпти. Журналист Гильермо Раининг хабар беришича, аввал тахмин қилинганидек, хавбекнинг «Манчестер Сити»га қарши жавоб учрашувида иштирок этиш эҳтимоли жуда паст. Бироқ, унинг Ла Лига доирасидаги «Атлетико» билан дербига қадар сафга қайтиши ҳақиқатга яқин сценарий бўлиб турибди.
«Шаҳарликлар» билан сафар ўйини 17 март куни, «матрасчилар»га қарши ўз майдонидаги баҳс эса 22 март куни бўлиб ўтади.
Жуд Беллингем жорий мавсумдаги 28 та ўйинда ўз ҳисобига олтита гол ва тўртта голли узатмани ёздириб қўйишга улгурди.
