Londonning "Chelsi" klubi vingeri Estevao Villian Angliya Premyer-ligasining "Nyukasl"ga qarshi bo‘lajak o‘yinida jamoasiga yordam bera olmaydi. Bu haqda "aristokratlar" bosh murabbiyi Liam Rosenyor ma’lum qildi.

"Villian bu dam olish kunlarida o‘ynamaydi. Unga to‘liq tiklanishi uchun hali vaqt kerak. Biz uning jarohatiga ehtiyotkorlik bilan yondashyapmiz", — deya mutaxassisning so‘zlaridan iqtibos keltiradi insayder Fabrisio Romano o‘z ijtimoiy tarmoqlarida.

Qayd etish joizki, braziliyalik futbolchi o‘tgan oyning o‘rtalaridan beri maydonda ko‘rinish bergani yo‘q.

Joriy APL mavsumida Estevao 19 ta uchrashuvda ishtirok etdi. 18 yoshli vinger o‘z hisobiga ikkita gol va ikkita golli uzatmani yozdirib qo‘ygan.